Apply For Assistance - Guidelines
المأصود هون هو متل منهج بس. و إزا ما كنتو مأكدين بإنكن مشمولين لهل المساعدة من منظمة الرياضة بلا حدوود الرجاء ابعتوا رسالة إلكترونية (إيميل) إلى:
dolores.singh@sportswithoutborders.org
مين هم المشمولين لتأديم الطلبات؟
تأسست الرياضة بلا حدوود مشان تأديم المساعدة للشبيبة متعددي السقافات و اللغات متل اللاجئين أو الي أجو على اساس إنساني.
راح تساعد منظمة الرياضة بلا حدوود كل الناس و المؤسسات المجتمعية الرياضية الموجودة في فكتوريا, أستراليا. كمان في هنيك طلبات منفصلة فيكن تنزلوها من الموقع.
الموعد الأخير لتأديم للطلبات:
طلبات التمويل المالية تنتهي في الأيام التالية:
- المرحلة الأولى: 28 شباط/فبراير 2009
- المرحلة الثانية: 30 نيسان/أبريل 2009
- المرحلة الثالثة: 30 حزيران/يونيو 2009
- المرحلة الرابعة: 29 آب/أغسطس 2009
- المرحلة الخامسة: 31 تشرين الأول/اكتوبر 2009
- المرحلة السادسة: 31 كانون الأول/ديسمبر 2009
وإزا ممكن الرجاء إبعتوا طلباتكن إلى:
Ms. Dolores Singh
Sports Without Borders Foundation
Po Box 538,
Carlton South, Victoria, 3053
شو للي فينا تمويله مالياً؟
نحن مِنأدم الدعم لكتير من النشاطات و الأشياء.
وهاي القائمة فيكن تستعملوها مثل منهج أو دليل بس.
و إزا كان بدكن مساعدة في أي شي مو موجود في هاي القائمة, اتصلوا فينا مباشرة و راح نأدم كل الإرشادات لتناسب طلباتكن
- أشياء رياضية متل الادوات و الملابس الرياضية
- دفعة لعضوية الاشتراك بالنادي الرياضي
- مصاريف االتنقل
- مساعدة مالية للإشتراك ببرامج أو ورشات عمل تدريبية أو تعليمية رياضية, أو مدرب خاص بالنادي
- مناسبات مجتمعية رياضية بتروح الفائدة تبعها على مجتمعات اللاجئين أو الي أجوا على أساس إنساني
طريئة دراسة الطلبات
- راح يدرسوا كل الطلبات
- المجلس الإداري بياخد قرار بالموافئة على
أي طلبات
- و راح تنبعت رسالة لكل الي قدموا الطلبات مشان يبلغوهن بالموافئة على الطلبات أو عدم الموافئة عليها.
- كل اللي قدمواالطلبات و توافئ عليها,لازم يبعتوا فاتورة و فيها (ABN) خلال خمسة أيام من تاريخ استلام الرسالة, و إزا ما عملتوا هيك, يمكن تتأخر الدفعة.
- وبعدين راح تندرس الفاتورة و تنبعت الدفعة بالشهرالجاي.
هاندي هىتس
كل اللي قدموا الطلبات أن يرفقوا المعلومات اللازمة بطلباتكن عن النادي, على سبيل المثال: العنوان و تفاصيل و رقم شخص يمكن الإتصل به, لأنه الدفعة راح تنبعت للنادي أو المنظمة مباشرةً.
بمين فيني إتصل إزا ما كنت مأكد؟
اتصل بموظفة المشروع (Ms Dolores Singh) بالبريد الإلكتروني الإيميل :
dolores.singh@sportswithoutborders.org
Individual Application Organisation Application
